წიგნის დაბრუნება[განახლებული]

ამას წინათ კნუტმა მათხოვა "ვეფხისტყაოსანი" ნათაძის განმარტებებით, სკოლისთვის და მერე ახალი ვიყიდე და არ დამიბრუნებია, ხოდა დაახლოებით ნახევარ საათში ვუბრუნებ ^^.

ეს რა მოსატანი იყო არა? უბრალოდ არ მიყვარს წიგნს რომ არ აბრუნებენ.

ახლაც მიდევს მეგობრის "თამაში ჭვავის ყანაში ", ისიც დღეს უნდა დამებრუნებინა, მაგრამ მომწერა გუშინ მთელი ღამე აეროპორტში გავათიეო და ახალი წლის მერე მომეციო, ახალი წლის მერე კი არა და ახალ წელს ან შემდეგ წელს უნდა ეთქვა ალბათ.

მოკლედ, დღევანდელ დღეს "წიგნების დაბრუნების საერთაშორისო დღედ" ვაცხადებ, ასეთი დღე მგონი არ არსებობს, ასე რომ

© Kon Mu




29 დეკემბერი




წიგნის დაბრუნების საერთაშორისო დღე




P.S. კნუტს დაბუბრუნე წიგნი. ^^

დღიურობანა. ორშაბათი. 11 ოქტომბერი.

დღეები ამერია უკვე, თან შაბათ-კვირა გამოვტოვე და ვეღარ ვნომრავ, ასე რომ თარიღებს დავაწერ აწი ან უბრალოდ დღიურობანას.

დღეს პირველად დავრჩი ქართულის დამატებით გაკვეთილებზე.

მასწავლებელი კაცია, ძაან მაგარი კაცი.

და ძაან ჭკვიანი. უკვე გვაწერინა რაღაცეები და წასაკითხიც მოგვცა.

პროსპერ მერიმეს "მატეო ფალკონე".

სამეცადინე ბევრი მქონდა და თან სახლში 6-ის ნახევარზე მოვედი, 5-ზე მთავრდება დამატებითი. მთელი 2 საათნახევარი ვმეცადინეობთ მაგარია. ჯგუფში სულ 10-ნი ვართ. სამი ბიჭი და გოგოები მგონი :დ.

ამ წუთას დავამთავრე მეცადინეობა და ახლა დავალებულის კითხვას ვიწყებ, თან გრამატიკაც გავიმეორე და ფიზიკაში ვისწავლე რაღაც ჯანდაბა.. როგორ არ მევასება როცა ვერ ვიგებ რაღაცას.

დღეს მეტი არაფერი მომხდარა, ვნახოთ ხვალ რა იქნება.

P.S. ხუთშაბათს დასვენებაა.

დღიურობანა. დღე მესამე.

უკვე მესამე დღეა ვწერ ამ დღიურებს, თავიდან მეგონა რომ ენთუზიაზმი მალევე ჩაივლიდა და დავანებებდი თავს, მაგრამ რაც უფრო მეტი დღე გადის და მეტს ვწერ რა თქმა უნდა მენანება ამ დღეების ნაწერი და ვწერ. ჯერ დიდი არაფერი მარა მაინც....

ხვალ ისტორიისა და ქართულის მონიტორინგებია. და არც საკითხები ვიცით არც არაფერი. მატემატიკის წერით 2 კვირაა გვაშინებენ მაგრამ არც არაფერი... პარალელურმა წერა უკვე მარა რავიცი...

სკოლაში საინტერესო მეტი არაფერი მოხდა.

მათემატიკის მასწმა მათემატიკის ოლიმპიადაში ჩამწერა, არ მინდა მეთქი, მე რა უნდა ვქნა მეთქი მარა არა გადიო.

მოკლედ ჩამწერა, კიდე ინგლისურის მასწს ვუთხარი ჩამწერეთ-თქო. ბიოლოგიაში ვარ ჩაწერილი და ქართულში უეჭველი გამიშვებენ იმიტომ რომ გაძლიერებულად ამას ვსწავლობ.

შეიძლება მოსაწყენია საკითხავად, მაგრამ ეს ჩემი დღიურია, ბლოკნოტში ხელით წერა მეზარება და აქ ადვილი და სწრაფია.

მარშრუტკაში მაგარი ჭედვა იყო საღამოს სადღაც 6 კაცი გადმოსვეს ჩვენთან ისეთი ამბავი იყო რო რავიცი. ერთხელ ვიდეოს გადავიღებ და დავდებ.

სამეცადინო იყო-ბევრი. ძაან.

ქართულში აბოს წამების უკვე მესამე თავი, საზეპიროებიანად ხვალისთვის.და კიდე საკითხების ნაცვლად მონიტორინგზე ორი თემა: "გმირი და ანტიგმირი"("შუშანიკის წამების" მიხედვით) და "გმირი და ანტიგმირი დღეს".

ძაან სისულელე. რა უნდა ვწერო არ ვიცი. პირველ თემას კიდევ არაუშავს მაგრამ მეორე. :ტვინისბურღ:

კარგა ხანს ვიმეცადინე. ხო ცოტა დამრთგუნველი პოსტი კი გამოვიდა ისე, მარა არაუშავს ეს ხომ ჩემი დღიურია

P.S. თუ შეცდომები მაქ წერაში ბოდიში აღარ მცალია გადასაკითხად, არა მცალია უბრალოდ მეზარება.

დღიურობანა. დღე მეორე.

მარშრუტკამ ისევ ჩვეულებისამებრ დააგვიანა. აღარც ვიმჩნევ და სახლიდანაც უფრო გვიან გავდივარ. აცივდა მაგრა. დილით რო გავიღვიძე ადგომაც კი შემეზარა, არა ნამდვილად არ არის ახლა სასკოლო ამინდი, საათის ათამდე უნდა კარგად გამოიძინო მერე ადგე ჩაი დალიო..მოკლედ ისევ იგივე ფანტაზიები, მაგრამ როგორც ჩვენი პრეზიდენტი იტყვის "ნურას უკაცრავად" :დ და "ვერც მომართვეს". :დ

მარშრუტკაში უკან ადგილი არ იყო და მძღოლის გვერდით მომიწია დაჯდომა. არაუშავს მართალია ცოტა გარწევს აქეთ-იქით, სამაგიეროდ პირველი ჩადიხარ და არ გიწევს რიგში დგომა და ბოლოდან გასასვლელისკენ გზის გაკვლევა.

გუშინ რამე მომწერეს, რომ დღეს 15:40-ზე ვხვდებოდით ჩვენ ბანაკელ მეგობარს, რომელიც ცუდად იყო და თბილისში საავოდმყოფოშიც იწვა, ისე ქუთაისელია და თამუნა ჰქვია. მაგრამ არც მე, არც სალომე და არც რიჟა მარი არ წავსულვართ იმიტომ რო არც მე მეცალა და არც სალომეს, მარიმ კი მეზარებაო. ისე მეც მეზარება და თან დროც არ მაქვს. დღეს მაგალითად ინგლისური. ვიმეცადინე და პოსტის საწერად დავჯექი იმიტომ რომ ვიცი, რომ მერე დამეზარება.

დღეს სკოლაში ცურვაც იყო, მაგარი ცხელი წყალია და დახუთულობა ამას ისევ ლაგუნას ცივი წყალი მირჩევნია.

ხო კიდე უნარები გვქონდა. რავი მეტი არაფერი საინტერესო არ მომხდარა.

სკოლის პირველი დღე 2010

 დღეს ჩემთვის იყო ამ სასწავლო წლის პირველი დღე. დილით ავედი სკოლაში, მოვინახულე ახალი, ძველი მეგობრები, ჩავიწერე ორი დღის გაკვეთილების ცხრილი რომელიც ასიანი შეიცვლება(ხვალვე), ჩავიწერე წიგნების ავტორები და ვიყიდე კიდეც უკვე, ფიზიკის გარდა რადგანაც რატომღაც დაავიწყდა დამრიგებელს ჩაწერინება ან არ ჰქონდა.

ხალხი ნელ-ნელა იშლებოდა, უმრავლესობა მშობლებს წაყვა უკან, ისინი კი ვინც დავრჩით სკოლის "მარშრუტკას" ველოდებოდით, რომელიც "ეს-ესაა" უნდა გასულიყო, მაგრამ რატომღაც 1 საათით დააგვიანა გასვლა, ეს პირველი დღით და მას თანდართული არაორგანიზებულობით ახსნეს, რატომღაც ჩვენს ქვეყანაში, წესადაა შემოღებული რომ არდადეგების შემდეგ პირველი დღე მაინც უქმეა და ხშირ შემთხვევაში პირველი კვირაც, რაც მე არასწორად მიმაჩნია(კი გასაგებია რომ შეეჩვია არდადეგებსა და დასვენებას, მაგრამ აკლიმატიზაციისათვის 1 კვირა არანაირად არაა საჭირო).

მოკლედ ჩამოვაღწიე სახლამდე(მოგეხსენებათ სკოლა ლისის ტბაზეა), მძღოლს ავუხსენი თუ სად უნდა ჩამომიაროს ხვალ და კიდე 8 თვე დილით და ავედი სახლში. დამრიგებელმა ყველა სახელმძღვანელო ხვალისთვის მოითხოვა, გამოვათრიე მამაჩემი სამსახურიდან(შესვენება ეწყებოდა "კაკ-რაზ") და დავიძარი ვაგზლისკენ, რათა იქ წიგნები მეყიდა.

დაბადების დღე

დღეს, 7 ივლისს მე მქონდა/მაქ/მექნება დაბადების დღე. როგორც ყოველთვის მოვიდნენ ძველი მეგობრები, დავჯექით დავლიეთ, გარეთ გავედით, მოვედით ვიღადავეთ და დავიშალეთ. ასევე მივიღე საჩუქრები და ა.შ.

რაც დამრჩა დაბადების დღიდან: